ARALIN 1.3
v Tulang
Naglalarawan at Mga Salitang Naglalarawan
v Mga Akda
ð
Bahagi ng
Tulang Elehiya Para kay Ram
(Ni Pat V. Villafuerte)
ð
Ang
Pagbabalik
(ni Jose Corazon de Jesus)
ð KULTURA: Ang
Pamana ng Nakaraan, Regalo ng Kasalukuyan, at Buhay ng Kinabukasan
(ni Pat V. Villafuerte)
ð Sitti Nurhaliza: Ginintuang Tinig at
Puso ng Asya
(ni Jan Henry M. Choa Jr.)
Bahagi ng Tulang Elehiya Para kay Ram
Ni Pat V.
Villafuerte
Kung ang kamatayan ay isang mahabang paglalakbay
Di mo na kailangang humakbang pa
Sapagkat simula’t simula pa’y pinatay ka na
Ng matitigas na batong naraanan mo
Habang nakamasid lamang
Ang mga batang lansangang nakasama mo
Nang maraming taon.
Silang nangakalahad ang mga kamay
Silang may tangang kahon ng kendi’t sigarilyo
Silang may inaamoy na rugby sa madilim na
pasilyo.
Sa pagitan ng maraming paghakbang at pagtakbo
Bunga ng maraming huwag at bawal dito
Sa mga oras na nais mong itanong sa Diyos
Ang maraming bakit at paano
Ay nanatili kang mapagkumbaba at tanggaping
ikaw’y tao
At tanggapin ang uri ng buhay na kinagisnan mo.
Buhay na hindi mo pinili dahil wala kang mapipili.
Buhay na di mo matanggihan dahil nasa mga palad
mo
Ang pagsang-ayon, ang pagtango at pagtanggap
Bilang bagong ama ng lima mong nakababatang
kapatid.
Inilalarawan ng may akda sa tulang
ito ang kalagayan at karansan ng isang batang marahil wala ng pamilya o
napabayaan ng mga magulang.
Naawa ako sa
bata dahil sa halip na mag-aral siya tulad ng ibang bata, naging isang batang
kalye at kinuha ang responsibilidad bilang ama sa kanyang nakababatang kapatid.
KULTURA: Ang Pamana ng Nakaraan, Regalo ng Kasalukuyan,
at Buhay ng Kinabukasan
ni Pat V. Villafuerte
NOON, ang bawat paghakbang ay isang pagtalunton,
isang pagtahak sa matuwid na landas upang
marating ang paroroonan
gaano man ito kalapit, gaano man ito kalayo
gaano man ito kakitid, gaano man ito kalawak
kaunti man o marami ang mga paang humahakbang
mabagal man o mabilis, pahintu-hinto man o tuloy-tuloy
ang bawat paghakbang ay may patutunguhan.
ang bawat paghakbang ay may mararating.
ang bawat paghakbang ay may pagsasakatuparan.
hindi na mabilang ang paghakbang na naganap sa
ating kasaysayan
paghakbang na pinuhunanan ng pawis, dugo at luha
paghakbang na kinamulatan ng maraming pagsubok,
pangamba at panganib
mula pa sa panahon ng kawalang-malay
hanggang sa panahon ng walang humpay na
pananakop,
digmaan at kasarinlan
at hanggang sa kontemporaryong panahon ng makinasyon
sumibol ang kayraming kulturang sinangkutsa sa ating diwa’t kamalayan
kulturang may ritmo ng pag-awit, may kislot ng pagsayaw,
may haplos ng pag-aalay, may lambing ng panunuyo
at tangis ng pamamaalam.
ito ang ating tinalunton, ito ang bunga ng ating paghakbang:
ang kulturang ipinamana sa atin ng nakaraan.
NGAYON, sa panahon ng pagkamulat at maraming
pagbabago,
binhing nakatanim ang maraming kulturang
nag-uumapaw sa ating diwa
nagbabanyos sa ating damdamin
nag-aakyat sa ating kaluluwa
sinubok ng maraming taon
inalay sa mga bagong sibol ng panahon
anumang kulay, anumang lahi, anumang edad,
anumang kasarian
ang kultura’y pinayayabong
nang may halong sigla at tuwa,
nang may kasalong pagsubok at paghamon
kulturang sinusuyod ng kapuri-puring ugali at
marangal na kilos
kulturang inihahain ng pagsamba’t prusisyon
kulturang sinasalamin ang pasko’t pistang-bayan
kulturang pinaaawit ng pasyon at pagsasabuhay ng Poon
kulturang patuloy na sumisibol at ipinapupunla ng tradisyon:
pampamilya, pang-eskuwela, pampolitika, panrehiyon at pambansa
na dinilig ng maraming pagpapaalala, paggabay at patnubay
at pinayaman ng makukulay na karanasan
kulturang inihain at tinanggap, sinunod at isinakatuparan
ito ang regalo ng kultura
regalo ng kasalukuyan.
BUKAS, ang kulturang itinudla ng nakaraan
at inireregalo ng kasalukuyan ay bubuhayin ng
kinabukasan
at mananatiling repleksyon ng kabutihan
kulturang gagalang sa mga bata’t matanda
kulturang rerespeto sa mga babae’t may kapasanan
kulturang luluklok ng pagbabayanihan at
pagkakapatiran
kasaliw ng mga awiting bayan at katutubong sayaw
katali ng pagsasadula’t pagbabalagtasan
diwang marangal ang ipupunla. kariringgan ng maraming wika
magkakapantay sa kalayaan at karapatan
magsasama-sama, magkakapit-bisig, magtutulung-tulungan
habang patuloy na humahakbang upang galugarin pa
ang kulturang pagyayamanin ng ating lahi
ng lahing magiting
ng lahing kapuri-puri
ng lahing marangal.
Ang tulang ito ay naglalarawan sa kultura nating mga Pilipino. Noon,
bago pa dumating ang mga dayuhang mananakop,tayo ay may sarili ng
kultura.Ngayong sa kasalukuyan, matapos tayong sakupin ng mga dayuhan tulad ng
mga Kastila, naimpluwensyahan ang ating kultura na patuloy nating pinagyayaman
at ginagawa.At sa hinaharap, paano natin mapapanatili ang ating kultura at
patuloy itong pagyayamanin hanggang sa susunod na henerasyon.
Sitti Nurhaliza: Ginintuang Tinig at Puso ng
Asya
ni Jan Henry M. Choa Jr.
Isa sa pinakamahusay na mang-aawit sa Asya si Sitti
Nurhaliza mula sa bansang Malaysia. Nagkamit siya ng iba’t ibang parangal sa
pag-awit hindi lamang sa kaniyang bansa kundi maging sa pang-internasyunal na
patimpalak. Isa na rito ang titulong “Voice of Asia” nang makamit niya angGrand
Prix Champion mula sa Voice of Asia Singing Contest na
ginanap sa Almaty, Kazakhstan.
Labing-anim na taong gulang siya nang pumasok sa
larangan ng pag-awit.
Dahil sa likas na talento sa pag-awit, narating
niya ang rurok ng tagumpay bilang multiple-platinum selling artists sa
Malaysia. Sinundan ito ng mga di-mabilang na pagkilala mula sa mga
prestihiyosong gawad-parangal tulad ng MTV Asia, Channel V, Anugerah Juara Lagu
Malaysia.
Hindi lamang sa pag-awit nakilala si Sitti. Siya rin ay isang manunulat ng
awit, record producer, presenter o modelo at mangangalakal. Sa
katunayan, siya ay nagmamay-ari ng produktong Ctea, isang tsaa sa Malaysia.
Mayroon din siyang sariling production company, Sitti
Nurhaliza Productionna nasa larangan ng entertainment.
Siya rin ay itinuturing na isa sa
pinakamaimpluwensyang tao at pinakamayamang artista sa Malaysia.. Sa kabila ng
pagiging sikat at mayaman ay hindi nalilimutan ni Sitti Nurhaliza ang
magkawanggawa. Nakikibahagi at nakikiisa siya sa maraming gawaing-kawanggawa sa
loob at labas ng Malaysia. Ito ay isa sa maganda niyang katangian. Marunong
siyang tumulong sa kaniyang kapuwa bilang pagbabalik-biyaya sa kaniyang mga
tinatamasa.
Tunay na ipinagmamalaki si Sitti
Nurhaliza ang kaniyang mga kababayan bilang Asyano na may sadyang husay sa
pagkanta at may natatanging kontribusyon sa larangan ng musika. Ang kaniyang
magandang tinig at mabuting kalooban bilang isang babaeng Muslim na mang-aawit
ay isa lamang sa mga katangiang nagugustuhan ng kaniyang mga tagatangkilik.
Isang idolo na may ginintuang tinig at ginintuang puso ng Asya.
Sa kwentong ito,
inilalarawan ang tagumpay ng isang asyano na si Sitti Nurhaliza. Ako’y lubos na humahanga kay Sitti sapagkat
ayon sa mga paglalarawang inilahad sa kwento,siya ay isang napakahusay at napakamatulungin, na dapat nating tularan.
Isa siya sa naging magandang halimbawa sa akin dahil kahit siya ay nagtagumpay
at nagkamit ng maramin parangal, hindi niya pa rin nakakalimutang tumulong sa
ibang tao.
Tulang
Naglalarawan
Ang
tulang naglalarawan ay naglalarawan ng pagpapahalaga o maaaring pagkamuhi ng
makata o
may-akda
sa isang kalagayan,pook o pangyayari.
Salitang
Naglalarawan
Naglalarawan ng hugis,kulay at anyo ng mga bagay sa ating
kapaligiran.Naglalarawan din ito ng katangian,ugali ng isang tao at hayop.Ang
mga salitang naglalarawan ay nakapagpapagana ng imahinasyon ng isang
tagapakinig o mambasa upang mabuo ang isang malinaw at buong larawan ssa
kaniyang isipan
May mga salitang naglalarawan na may
wastong gamit at hindi maaring pagpalitin ang gamit sapagkat nagkakaroon ng
ibang kahulugan ang kaisipang nais nitong ihatid.
well explained. thanks, I'm hard up at filipino sometimes.
ReplyDeletethis helped me in my assignments. :) t h a n k s
ReplyDeleteHi! Thank you. You really helped me understand all about these poems. Hope you update more! :)
ReplyDeleteARIGATO
ReplyDeletekamsahabnida!
ReplyDeletet h a n k s alot<3
ReplyDelete